राजेश हमालले भने- काठमाडौँको मेयरमा उठ्नुपर्छ कि क्या हो!’

काठमाडाैं । अभिनेता राजेश हमालले आफ्नो एक दिनको दैनिकीको भ्लगको ट्रेलर आफ्नै युट्युब च्यानलमा सार्वजनिक गर्दै युट्युबमा डेब्यु गरेका छन्।

‘राजेश हमाल अफिसियल’ नामक च्यानलबाट पोष्ट भएको उक्त भ्लगमा अभिनेता हमालले नेताहरुले भाषण गरे पनि काठमाडौँको सौन्दर्यीकरणमा भने कसैले ध्यान नदिएको बताएका छन्।

हमालले भिडिओमा भनेका छन्, ‘शहरलाई ब्युटिफाइ गर्ने भन्ने कुरामा कसैको ध्यान गएन। भाषणमाचाहिँ भनिरा हुन्छन् तर प्राक्टिकली गर्ने सोच नपुगेर हो कि? ढङग नपुगेर हो कि?’’

भिडिओमा उनले थपेका छन्, ‘एकचोटि यो काठमाडौँ शहरको मेयर बन्नुपर्छ कि के हो म !’

आउँदो बैशाख ३० गते सरकारले स्थानीय तहतर्फ चुनाबको घोषणा गरिसकेको छ। चुनाब नजिकिँदै गर्दा यसअघि र्‍यापर बालेन शाहले पनि काठमाडौंको मेयरमा उठ्ने घोषणा गरिसकेका छन्।

राजनीतिक दलसँग शुक्रबार छलफल गर्दै निर्वाचन आयोग

निर्वाचन आयोगले आगामी वैशाख ३० गते हुने स्थानीय तह निर्वाचनका सन्दर्भमा राजनीतिक दललाई आयोगबाट हालसम्मको कार्यप्रगति जानकारी गराउँदै अपेक्षाबारे छलफल गरी रायसुझाव लिने भएको छ ।

सङ्घ, प्रदेश र स्थानीय तहमा प्रतिनिधित्व गर्ने १७ राजनीतिक दलका प्रतिनिधिलाई भोलि शुक्रबार बिहान ११ः३० बजे छलफलका लागि आमन्त्रण गरिएको आयोगका प्रवक्ता शालिग्राम शर्मा पौडेलले जानकारी दिनुभयो ।

“निर्वाचन घोषणा भएको करिब एक महिना पूरा भयो, यस अवधिमा आयोगबाट भएका क्रियाकलाप जानकारी गराउने, आयोगसँग दलका अपेक्षाका विषयवस्तुबारेमा छलफल तथा अन्तरक्रिया गरी रायसुझाव लिने उद्देश्य हो”, उहाँले भन्नुभयो ।

आयोगले प्रत्येक राजनीतिक दललाई नेतासहित दुई जना प्रतिनिधि पठाउन आग्रह गरेको छ । आगामी स्थानीय तह निर्वाचन प्रयोजनका लागि ८० राजनीतिक दलले आयोगमा दर्ताका लागि निवेदन दिएका छन् ।

विसं २०७४ को स्थानीय तह निर्वाचनमा पनि ८० दलले दल दर्ताका लागि निवेदन दिएकामा ५७ ले मात्र भाग लिएका थिए । उक्त निर्वाचनमा भाग लिएकामध्ये १८ राजनीतिक दलको त्यसबेला स्थानीय तहमा प्रतिनिधित्व रहेको थियो ।

Leave a Reply

Your email address will not be published. Required fields are marked *