गगन थापाले पाए कांग्रेसमा यति महत्वपूर्ण जिम्मेवारी

काठमाडाैं । नेपाली कांग्रेस ‘स्थानीय तह निर्वाचन २०७९, घोषणा पत्र तयारी समिति’को संयोजकमा पार्टी महामन्त्री गगनकुमार थापा चयन भएका छन्।

प्रधानमन्त्री समेत रहेका कांग्रेस सभापति शेरबहादुर देउवाले थापालाई संयोजक मनोनयन गरेको कांग्रेस केन्दीय कार्यालयका मुख्यसचिव कृष्णप्रसाद पौडेलले जानकारी दिए।

यसैबीच, प्रमुख प्रतिपक्षी दल नेकपा (एमाले)ले पनि आजै पार्टी वरिष्ठ उपाध्यक्ष ईश्वर पोखरेलको नेतृत्वमा स्थनीय चुनाव घोषणापत्र तयारी समिति गठन गरेको छ।

स्थानीय तह निर्वाचनका लागि दुई करोड थान मतपत्र छापिने

निर्वाचन आयोगले आसन्न स्थानीय तह निर्वाचनका लागि दुई करोड थान मतपत्र छपाइ गर्ने भएको छ । आयोगका सहप्रवक्ता सूर्यप्रसाद अर्यालले

मतदाता नामावलीमा सूचीकृत भएका करिब एक करोड ७७ लाख मतदाताका लागि सो सङ्ख्यामा मतपत्र छपाइ गरिने जानकारी दिए ।

“आयोगले यही चैत १३ गते अन्तिम मतदाता नामावली प्रकाशन गरेपछि मतपत्रको छपाइ सुरु हुन्छ, मतदाता सङ्ख्याको करिब १० देखि १५ प्रतिशत थप मतपत्र छाप्नुपर्छ”,

उनले भने, “विभिन्न जोखिम मध्यनजर गरेर मतदाताको सङ्ख्याभन्दा बढी मतपत्र छाप्नुपर्ने अवस्था देखिएको हो । आयोगले करिब दुई करोड थान मतपत्र छाप्नुपर्ने आँकलन गरेको छ ।”

मतपत्र छपाइका लागि जनक शिक्षा सामग्री केन्द्रसँग छलफल भइरहेको आयोगले जनाएको छ । आयोगले दर्ता भएका दलमध्ये राष्ट्रिय मान्यता प्राप्त

बाहेकका ७३ राजनीतिक दलले पेश गरेका आ–आफ्नो जिल्लास्तरको सङ्गठन संरचना (जिल्ला समिति) को विवरण छानबिनको काम भइरहेको जनाएको छ ।

आयोगले राष्ट्रिय मान्यता प्राप्त बाहेकका दललाई यही चैत ६ गतेसम्म स्थानीय तह निर्वाचन प्रयोजनका लागि सङ्गठन संरचना पेश गर्न अनुरोध गरेको थियो ।

“जिल्लाबाट दलको सङ्गठन संरचनासहितको विवरण प्राप्त भएको छ, आयोगले अध्ययन गरिरहेको छ”, सहप्रवक्ता अर्यालले भने ।

निर्वाचन आचारसंहिता कार्यान्वयनका लागि सरोकारवालासँगको अन्तरक्रिया बुधबारदेखि देशभर सुरु भएको आयोगले जनाएको छ ।

मतदाता नामावली, मतदाता परिचय पत्र, निर्वाचनसँग सम्बन्धित निर्देशिकालगायत सामग्री छपाइका लागि विभिन्न ६ प्याकेजको बोलपत्र स्वीकृत गरी आपूर्तिकर्तासँग सम्झौता गर्न पत्राचार गरिएको उनले जानकारी दिए ।

Leave a Reply

Your email address will not be published.