कक्षा १२ को परीक्षाका लागि १२९२ केन्द्र तोकिए (सूची सहित)

काठमाडाैं । राष्ट्रिय परीक्षा बोर्डले कक्षा १२ को परीक्षाका लागि देशभर परीक्षा केन्द्र तोकेको छ।

राष्ट्रिय परीक्षा बोर्ड बैठकले देशभर एक हजार २९२ परीक्षा केन्द्र तोकेको परीक्षा नियन्त्रण कार्यालय, भक्तपुरले जनाएको छ। परीक्षा नियन्त्रण कार्यालयका अनुसार १६ देखि २५ जेठसम्म कक्षा १२ को परीक्षा हुनेछ।

कोरोनाभाइरसको महामारीका कारण गत वर्ष परीक्षा सञ्चालन गर्न समस्या भएको थियो। यस वर्षभने परीक्षार्थीलाई पायक पर्ने गरी  परीक्षा केन्द्र निर्धारण गरिएको बोर्डले जनाएको छ।

देशभरका परीक्षा केन्द्र:

मंगलबार रातिदेखि मौन अवधि लागू हुँदै

यही वैशाख ३० गते शुक्रबार हुने स्थानीय तह निर्वाचनका लागि आज मंगलबार रातिदेखि मौन अवधि लागू हुँदैछ।

आयोगका प्रवक्ता शालिग्राम शर्मा पौडेलका अनुसार मौन अवधिमा प्रचार प्रसारलगाायतका गतिविधिमा निर्वाचन आचारसंहिता लागू हुनेछ। आयोगका अनुसार यस अवधिमा निर्वाचन प्रचारप्रसार गर्न र मत माग्न पाइने छैन।

त्यसकारण चुनावी प्रचारका लागि मंगलबार अन्तिम दिन हो। अन्तिम दिन भएकाले मंगलबार उम्मेदवारहरू चुनावी प्रचार प्रसारलाई तिव्रता दिने ध्याउन्नमा छन्। प्रधानमन्त्री एवं नेपाली कांग्रेसका सभापति शेरबहादुर देउवा गृहजिल्ला डडेलधुरा पुगेका छन्।

मौन अवधि सुरु हुनुभन्दा अगाडि मतदान केन्द्रको तीन सय मिटर क्षेत्रमा निर्वाचन चिह्न र प्रचार सामग्री हटाउनुपर्ने, एसएमएस, फेसबुक, भाइबरजस्ता विद्युतीय माध्यमद्वारा प्रयोग गरिने सामाजिक सञ्जालमार्फत समेत मत माग्न र निर्वाचन प्रचार प्रसार गर्न नपाइने आयोगले जनाएको छ।

मौन अवधिमा बाजा बजाउन, नाचगान गर्न, सार्वजनिक भोज, जुलुस प्रदर्शन वा जुनसुकै किसिमको सभा वा समारोह गर्न वा हुलहुज्जत वा होहल्ला गर्न निषेध गरिएको आयोगले जनाएको छ।

निर्वाचनका लागि मतदान हुने दिनभन्दा ४८ घण्टाअघिदेखि मतदानको काम पूरा नभएसम्म उम्मेदवारको पक्ष वा विपक्षमा मत लिने वा दिने उद्देश्यले प्रचार गर्न पाइँदैन।

 

Leave a Reply

Your email address will not be published.