आफैलाई भोट नहाल्ने उम्मेदवार फेला ! शून्य मत

महेन्द्रनगर। बझाङको बुंगल नगरपालिकाका एक उम्मेदवारले आफैलाई मत नदिएको खुल्न आएको छ। बुंगल नगरपालिका वडा नम्बर १० का उम्मेदवार करे बागले आफैलाई मतदान नगरेका हुन्।

उनी स्वतन्त्र उम्मेदवारको रुपमा वडा अध्यक्ष पदमा उठेका थिए। उनको चुनाव चिन्ह पुतली थियो। तर, बागले आफैलाई मत प्रदान नगरेपछि खाता पनि खोल्न सकेनन्।

स्थानीय निर्वाचन अधिकृतको कार्यालयका अनुसार यस वडामा नेपाली कांग्रेसका प्रेम ओखेडाले ३ सय ११ मतसहित अध्यक्ष पदको निर्वाचन जितेका छन्। उनका प्रतिद्धन्द्धी नेकपा एमालेका गणेश पुजाराले २ सय ६१ मत प्राप्त गरे।

खानीखोलामा गठबन्धन निर्वाचित

काभ्रेपलाञ्चोकको डाँडापारिस्थित खानीखोला गाउँपालिकामा गठबन्धनको तर्फबाट अध्यक्ष र उपाध्यक्ष पदका उम्मेदवार विजयी भएको छ ।

अध्यक्षमा (नेकपा माओवादी केन्द्र)का इन्द्रबहादुर थिङ र उपाध्यक्षमा नेपाली कांग्रेसका दोर्जेमान जिम्बा विजयी हुनुभएको हो ।

अध्यक्ष पदमा विजयी थिङले कूल आठ हजार १४६ मतमा चार हजार ४८५ मत प्राप्त गर्नुभएको छ । उहाँका निकटतम प्रतिस्पर्धी नेकपा (एमाले)का शेखर लामाले तीन हजार १५६ मत प्राप्त गर्नुभएको छ ।

त्यस्तै उपाध्यक्ष पदमा जिम्बाले चार हजार ३२८ मत प्राप्त गर्नुभएको छ भने उहाँका निकटतम प्रतिस्पर्धी एमालेका रुकमेणी गुरुङले दुई हजार ९८७ मत प्राप्त गर्नुभएको छ ।

मतपरिणामअनुसार वडा नं १ मा माओवादीका सन्तमान थिङले ५४८ मत ल्याएर विजयी भएको छ भने उहाँका निकटतम प्रतिस्पर्धी एमालेका आशराम गोलेले ५४७ मत प्राप्त गर्नुभएको छ ।

वडा नं २ मा कांग्रेसका दशरथ लामाले ४९८ मत प्राप्त गरी विजयी भएको छ भने उहाँका निकटतम प्रतिस्पर्धी एमालेका इन्द्रबहादुर थिङले ४६६ मत प्राप्त गर्नुभएको छ ।

वडा नं ३ मा नेकपा (माओवादी केन्द्र)का सागर लामाले ५५० त प्राप्त गरे विजयी भएको छ भने निकटतम प्रतिस्पर्धी एमालेका जयबहादुर लुङ्गेली मगरले २३९ मत प्राप्त गर्नुभएको छ ।

वडा नं ४ मा माओवादीकै निशान मोक्तानले ४०६ मत प्राप्त गरी विजयी भएको छ भने निकटतम प्रतिस्पर्धी एमालेका क्षेत्रबहादुर वाइबाले ३६४ मत प्राप्त गर्नुभएको छ ।

त्यसैगरी वडा नं ५ मामाओवादीकै बुद्धिबहादुर स्याङ्तानले ५३३ मत प्राप्त गरी विजयी भएको छ भने निकटतम प्रतिस्पर्धी एमालेका दुर्गाप्रसाद तिमल्सिनाले ४२४ मत प्राप्त गर्नुभएको छ ।

वडा नं ६ मा कांग्रेसका बृहस्पति घिसिङ ८४१ मत प्राप्त गरी विजयी भएको छ भने उहाँका निकटतम प्रतिस्पर्धी एमालेका मानबहादुर गोलेले ६३१ मत प्राप्त गर्नुभएको छ

भने वडा नं ७ मा नेकपा एमाले रामबहादुर मुक्तानले ७४१ मत प्राप्त गरी विजयी भएको छ भने उहाँका निकटतम प्रतिस्पर्धी कांग्रेसका क्षेत्रमान घ्याबाले ७२० मत प्राप्त गर्नुभएको छ ।

जिल्लामा हालसम्ममा दूई पालिकाको नतिजा सार्वजनिक भएकोमा कोसीपारिस्थित भुम्लु गाउँपालिकामा पनि गठबन्धनका उम्मेदवार अध्यक्ष र उपाध्यक्ष दुवै पदमा विजयी भएको छ ।

अन्य पालिकाको मत गणना कार्य जारी रहेकामा धुलिखेल नगरपालिकाको भने विवादका कारण अहिले रोकिएको छ ।

Leave a Reply

Your email address will not be published.