एमालेका यी ४ जनाबाहेक सबै मन्त्री पदमुक्त, महतोसँगै पौडेल र महासेठ उपप्रधानमन्त्री बन्दै

काठमाडौं । प्रधानमन्त्री केपी शर्मा ओलीले वर्तमान मन्त्रिपरिषदमा रहेका ४ जनाबाहेक एमालेका सबै मन्त्रीलाई पदमुक्त गर्ने भएका छन् ।

अर्थमन्त्री विष्णु पौडेल, शिक्षामन्त्री कृष्णगोपाल श्रेष्ठ, कानूनमन्त्री लीलानाथ श्रेष्ठ र भौतिक पूर्वाधारमन्त्री वसन्त नेम्वाङबाहेक सबै मन्त्रीलाई पदमुक्त हुने भएका छन् ।

अब परराष्ट्र मन्त्रालयको जिम्मा एमालेका रघुबीर महासेठले पाउने छन् । उनी उपप्रधानमन्त्रीको हैसियतमा मन्त्रिपरिषदमा सहभागी हुने बताइएको छ । यस्तै अर्थमन्त्री विष्णुप्रसाद पौडेल पनि उपप्रधानमन्त्री बन्ने स्रोतको भनाइ छ ।

त्यस्तै शेरबहादुर तामाङ स्वास्थ्यमन्त्री हुने भएका छन् ।

याे पनि समाचार
राजेन्द्र महतो बने उपप्रधानमन्त्री, जसपाबाट को-को भए मन्त्री ?

काठमाडाैं । जनता समाजवादी पार्टी (जसपा)को महन्थ ठाकुर पक्षबाट १० जना मन्त्री बन्न लागेका छन्। जसपा अध्यक्ष ठाकुरले मन्त्रीहरूको सूची प्रधानमन्त्री केपी शर्मा ओलीलाई बुझाएका छन्।

अध्यक्ष ठाकुरले मन्त्री बन्नेहरूको नाम शुक्रबार ओलीलाई बुझाएको जसपा केन्द्रीय कार्यकारिणी सदस्य लक्ष्मण लाल कर्णले जानकारी दिए।

कर्णका अनुसार जसपाबाट ८ मन्त्री र २ जना राज्यमन्त्री बन्न लागेका हुन।

महतो उपप्रधान तथा शहरी विकास मन्त्री हुनेछन् भने भण्डारीले उर्जा, जलस्रोत तथा सिचाई मन्त्रालयको जिम्मेवारी पाएका छन् । झाले खानेपानी र कर्णले भूमि व्यवस्था, सहकारी तथा गरिबी निवारण मन्त्रालय सम्हाल्दा श्रीवास्तवलाई श्रम, रोजगार तथा सामाजिक सुरक्षा र अरगरियालाई युवा तथा खेलकुद मन्त्रालय परेको छ ।

यस्तै चौधरीलाई महिला, बालबालिका तथा जेष्ठ नागरिक र एकबाल मिया वन तथा वातावरण् मन्त्रालयको जिम्मेवारी दिइने जसपाका एक नेताले बताए ।

जसपाले दुई राज्यमन्त्री पनि टुंगो लगाएको छ । चन्द्रकान्त चौधरी उर्जा र रेनुका गुरुङ महिला बालबालिका राज्यमन्त्री हुनेछन् ।

Leave a Reply

Your email address will not be published.