रक्षा र गृहसहित सात मन्त्रालय प्रधानमन्त्री ओलीसँगै रहने, नयाँ मन्त्रीकाे सपथ ८ बजे

काठमाडौं । प्रधानमन्त्री केपी शर्मा ओलीले मन्त्रिपरिषद पुनर्गठन गरेका छन् । ओलीले हाल मन्त्रिपरिषदमा रहेका चार मन्त्री बाहेक सबैलाई हटाएका छन् । भने ओलीले आफूसँग ७ वटा मन्त्रालय राखेका छन् । स्राेतका अनुसार  प्रधानमन्त्री ओलीसँग रक्षा, गृह, पर्यटन, सञ्चार, सामान्य प्रशासन, कृषि र उद्योग वाणिज्य तथा आपूर्ति मन्त्रालय रहनेछन् ।

आज विस्तार हुने मन्त्रिपरिषद प्रधानमन्त्रीसहित १७ सदस्यीय हुनेछ ।

मन्त्रिपरिषदमा विष्णु पौडेल उपप्रधानसहित अर्थ, रघुवीर महासेठ उपप्रधानसहित परराष्ट्र र राजेन्द्र महतो उपप्रधानसहित शहरी विकास मन्त्री बन्नेछन् । त्यस्तै भौतिक पूर्वाधारमा बसन्त नेम्वाङ, शिक्षामा कृष्णगोपाल श्रेष्ठ र कानूनमा लीलानाथ श्रेष्ठ मन्त्रीका रुपमा यथावत रहनेछन् ।

स्वास्थ्य मन्त्रीका रुपमा शेरबहादुर तामाङले शपथ लिनेछन् । जसपाबाट महतोबाहेक ७ जनाले मन्त्री र २ जनाले राज्यमन्त्रीको जिम्मेवारी पाउँदैछन् ।

ओलीले मन्त्रिपरिषद् पुनर्गठन गरी थपेका नवनियुक्त मन्त्रीहरुको सपथग्रहण आज राति ८ बजे हुने भएको छ ।

यसअघि साँझ ६ बजेका लागि सपथग्रहणको समय दिइएको भए पनि विभिन्न कारणले समय सारिएको बताइएको छ । राष्ट्रपति कार्यालयका अनुसार बेलुकी ८ बजे शीतलनिवासमा नवनियुक्त मन्त्री एवं राज्यमन्त्रीहरूको सपथ ग्रहण समारोह राखिएको छ ।

Leave a Reply

Your email address will not be published. Required fields are marked *