स्थगित परीक्षा तत्काल गर्ने लोक सेवा आयोगको तयारी (विज्ञप्तिसहित)

काठमाडौं । स्थगित परीक्षा तत्काल गर्ने लोक सेवा आयोगले तयारी थालेको छ । वुधबार एक विज्ञप्ति जारी गर्दै आयोगले यस्तो जनाएको हो ।

कर्मचारी समायोजनसम्बन्धी मुद्दामा सर्वोच्च अदालतले फैसला दिएसँगै आयोगलाई परीक्षा लिने बाटो खुलेको हो ।सूचनामा आयोगले १५ दिनको समय राखेर सूचना प्रकाशित गरी यथाशीघ्र परीक्षा गराइने उल्लेख गरेको छ ।

प्रहरीका पाँच जना एसपीको सरुवा, को कहाँ पुगे ?

प्रहरी प्रधान कार्यालयले पाँच जना प्रहरी उपरीक्षक (एसपी)हरुको सरुवा गरेको छ । कार्यालयले आवश्यकताअनुसार काज खटाउनु पर्ने भएको भन्दै अर्को आदेश नभएसम्मको लागि एसपीहरुको सरुवा गरिएको जनाएको छ ।

प्रहरी मुख्यालयले खटाइएको स्थानमा हाजिर हुन पनि निर्देशन दिएको छ ।

नौ वटा पालिकामा अभियान सम्पन्न

राष्ट्रिय परिचयपत्रका लागि मोरङमा हालसम्ममा दुई लाख ३५ हजार मानिसको विवरण सङ्कलन भएको जिल्ला प्रशासन कार्यालयले जनाएको छ ।

गत असोज ४ गतेदेखि सुरु भएको यो अभियानअन्तर्गत मोरङको रङ्गेली नगरपालिका, सुनवर्षी नगरपालिका, रतुवामाई नगरपालिका, धनपाल थान गाउँपालिका, जहदा गाउँपालिका,

कटहरी गाउँपालिका, ग्रामथान गाउँपालिका, मिक्लाजुङ गाउँपालिका र केराबारी गाउँपालिका गरी नौ वटा पालिकामा अभियान सम्पत्र भई उर्लाबारी नगरपालिकामा सञ्चालनमा रहेको सहायक प्रमुख जिल्ला अधिकारी शरदकुमार पोखरेलले जानकारी दिनुभयो । मोरङमा १७ वटा पालिका छन् ।

उहाँका अनुसार उर्लाबारीमा एक÷दुई दिनभित्रै अभियान सम्पत्र भई सो अभियान कानेपोखरी गाउँपालिकामा सुरु हुने र यसका लागि अभियानमा जुट्ने प्राविधिक टोली तयार भएर बसेको जनाइएको छ ।

प्रत्येक पालिकामा प्राविधिक टोली पठाएर अभियान सञ्चालनमा रहे पनि आम नागरिकलाई थप सुविधा प्रदान गर्न जिल्ला प्रशासन कार्यालय मोरङबाट चार एकाइ, इलाका प्रशासन कार्यालय रङ्गेलीबाट एक एकाइ तथा इलाका प्रशासन कार्यालय उर्लाबारीबाट दुई स्थानबाट नियमितरूपमा राष्ट्रिय परिचयपत्रका लागि विवरण सङ्कलन जारी रहेको सहायक प्रजिअ पोखरेलले जानकारी दिनुभयो ।

उहाँका अनुसार प्रदेश प्रहरी तालिम केन्द्र रानीमा यो अभियान सम्पत्र भई जिल्ला कारागार मोरङमा सुरु भएको छ । उहाँले कारागारमा नौ सय ७८ पुरुष र ८८ महिलाको विवरण सङ्कलन गर्न केही सयम लागे पनि

राष्ट्रिय परिचयपत्रका लागि आवश्यक पर्ने सक्कली कागजातहरु भएमा कुनै समस्या नहुने बताउनुभयो । कुनै विवरण गलत भएमा मेशिनले नै ग्रहण नगर्ने भएकाले यसमा सेवाग्राहीले ध्यान दिनुपर्ने उहाँले सुझाव दिनुभयो ।

Leave a Reply

Your email address will not be published.