ताेकियाे इसीडी शिक्षक र विद्यालय कर्मचारीको तलब, कसको कति ? (सूचीसहित)

नवलपुर । नवलपुर जिल्लाको मध्यविन्दु नगरपालिकाले विद्यालय कर्मचारी, प्रारम्भिक बालविकास सहजकर्ता (इसीडी शिक्षक) र सामुदायिक सिकाई केन्द्र परिचालकको तलबका लागि माग फाराम पेश गर्न सामुदायिक विद्यालयलाई पत्र पठाएको छ ।

नगर कार्यपालिकाको भदौ १७ गते बसेको बैठकको निर्णयबाट तलबबारे निर्णय गरी माग फाराम पेश गर्न नगरपालिकाअन्तर्गतका सामुदायिक विद्यालयलाई पत्र पठाइएको हो ।

नगरपालिकाको चालु आर्थिक वर्ष २०७९/८० को स्वीकृत बजेट शीर्षकबाट विद्यालय सहयोगीलाई ७ हजार, विद्यालय सहायक (लेखापाल) लाई ४५ सय, सामुदायिक सिकाई केन्द्र परिचालकलाई ८ हजार र इसीडी शिक्षकलाई मासिक ८ हजार रूपैयाँ तलब निर्धारण गरिएको छ ।

संघीय सरकारले पनि विद्यालय कर्मचारी, इसीडी शिक्षक र सामुदायिक सिकाई केन्द्र परिचालकलाई तलब पठाउँछ ।

(यसअघि नवलपुर जिल्ला हुनुपर्नेमा अन्यथा भएकाेमा सच्याइएकाे छ) 

गर्भवती र सुत्केरीलाई निःशुल्क एम्बुलेन्स सेवा

कञ्चनपुरको भीमदत्त नगरपालिकाले गर्भवती र सुत्केरीका लागि निःशुल्क एम्बुलेन्स सेवा सुरु गरेको छ । महाकाली प्रादेशिक अस्पतालमा आयोजित एक कार्यक्रमकाबीच उक्त सेवाको शुभारम्भ गरिएको हो ।

पहिलो दिन दुई सुत्केरीले सेवा पाएको भीमदत्त नगरपालिकाका प्रवक्ता महेन्द्र खड्काले बताए । ‘एम्बुलेन्सको भाडा तिर्न नसकेर घरमै सुत्केरी हुँदा कतिपयको ज्यान जाने गरेको छ,’

उनले भने, ‘नगरभित्रका विपन्न वर्गले पैसा अभावकै कारण स्वास्थ्य सेवाबाट वञ्चित हुन नपरोस् भन्ने उद्देश्यले सेवा सुरु गरेका हौँ ।’

नगर उप–प्रमुख निलम लेखक जोशीले निर्वाचनका बेला गरेको प्रतिबद्धता अनुसार निःशुल्क एम्बुलेन्स सेवा सुरु गरेको बताए । ‘निर्वाचनका बेला जनतामाझ गरेका वाचा अनुसार यो सेवा सुरु गरेका हौँ,’ उनले भने, ‘यो सेवा निरन्तर रुपमा चल्छ ।’

भीमदत्त नगरपालिकाका स्वास्थ्य शाखा प्रमुख नरेन्द्रराज जोशीले नगरपालिकासँग एउटा मात्रै एम्बुलेन्स भएकाले महाकाली प्रादेशिक अस्पताल, नेपाल रेडक्रस सोसाइटी र परिवार नियोजन सङ्घसँग भाडामा एम्बुलेन्स लिने सम्झौता गरिएको बताए ।

‘सुत्केरी र गर्भवतीलाई अस्पताल ल्याउने तथा घर पुर्याएबापतको रकम नगरपालिकाले भुक्तानी गर्छ,’ उनले भने, ‘यसबाट विशेष गरी विपन्न समुदायलाई सहयोग पुग्छ ।’

 

Leave a Reply

Your email address will not be published.