काठमाडौं–७ मा १,५४३ मतगणना हुँदा रास्वपा उमेदवारको अग्रता, मानुषी तेस्रो

काठमाडौं । काठमाडौं क्षेत्र नम्बर–७ मा एक हजार ५४३ मतगणना गरिएको छ । अहिलेसम्म राष्ट्रिय स्वतन्त्र पार्टी (रास्वपा)का गणेश पराजुलीको अग्रता कायम छ ।

रास्वपाका पराजुलीले ३७५ मत पाएका छन् । नेकपा (एमाले)का श्यामकुमार घिमिरेले ३०६ मत ल्याएका छन् ।

नेकपा (माओवादी केन्द्र)को चुनाव चिह्न लिएर प्रतिस्पर्धामा रहेकी नेपाल समाजवादी पार्टीकी उमेदवार मानुषी यमी भट्टराईले २९३ मत पाएकी छन् ।

आइतबार सम्पन्न प्रतिनिधिसभा तथा प्रदेशसभा निर्वाचनको मतगणनाका लागि झापामा तयारी पूरा भएको छ ।

झापाको एक स्थानमा मतगणना सुरु भएको छ भने चार स्थानमा तयारी पूरा भएको जिल्ला निर्वाचन कार्यालयका प्रमुख निर्वाचन अधिकृत तुलसी नेपालले जानकारी दिए ।

उनका अनुसार झापा क्षेत्र नं २ को गणना बिहान ३ः३० बजेदेखि सुरु भएको छ भने क्षेत्र नं ३ र ५ को मतगणना बिहान ८ सुरु हुनेछ । त्यस्तै, क्षेत्र नं १ र ४ को मतगणनाका लागि सर्वदलीय बैठक बस्न लागेको प्रमुख निर्वाचन अधिकृत नेपालले जानकारी दिए ।

जिल्लामा ६७ दशमलव २७ मत खसेको जिल्ला निर्वाचन कार्यालयको प्रारम्भिक अनुमान छ । कार्यालयका अनुसार जिल्लाको कूल मतदाता सङ्ख्या छ लाख ६३ हजार तीन सय ११ मध्ये चार लाख ४६ हजार दुई सय ५५ मत खसेको छ ।

निर्वाचन क्षेत्र नं १ मा ८७ हजार तीन सय ९६, क्षेत्र नं २ मा ८७ हजार सात सय २३, क्षेत्र नं ३ मा ८९ हजार छ सय ३७, क्षेत्र नं ४ मा ७९ हजार तीन सय ४९ र क्षेत्र नं ५ मा एक लाख दुई हजार एक सय ५० मत खसेको सो कार्यालयले जनाएको छ ।

Leave a Reply

Your email address will not be published. Required fields are marked *