खुल्यो रवि लामिछानेको ‘कोर एरियाको ब्यालेट’, लाग्याे भाेटकाे ओइरो ! (ताजा अपडेट)

काठमाडाैं । तीन निर्वाचन क्षेत्र रहेको चितवनमा राष्ट्रिय स्वतन्त्र पार्टी प्रभावशाली रूपमा अगाडि आएको छ। यहाँ स्वतन्त्र पार्टीका उम्मेदवारहरूले पुराना राजनीतिक दललाई कडा चुनौती दिइरहेका छन्।

चितवन क्षेत्र नम्बर १ मा राष्ट्रिय स्वतन्त्र पार्टीका हरि ढकालले नेपाली कांग्रेसका विश्व पौडेललाई १२ सयभन्दा बढी मतले पछि पारेका छन्।

पछिल्लो परिणामअनुसार घन्टी चिह्न लिएर चुनाव लडिरहेका स्वतन्त्र पार्टीका हरि ढकालले ५०९८ मत ल्याएका छन्। उनलाई पछ्याइरहेका कांग्रेसका विश्व पौडेलले ३८८४ मत ल्याएका छन्। उनीहरूबीच १२१४ मतको अन्तर छ।

यहाँ नेकपा एमालेका उपाध्यक्ष सुरेन्द्र पाण्डे तेस्रो स्थानमा छन्। उनले ३८८० मत ल्याएका छन्।

स्वतन्त्र पार्टीका अध्यक्ष रवि लामिछाने नै चुनावी मैदानमा होमिएको चितवन-२ मा उनले नेपाली कांग्रेसका उमेश श्रेष्ठलाई उछिनेका छन्। लामिछाने अहिले यहाँ दोस्रो स्थानमा छन्।

अहिलेसम्म ७०४१ मत गन्दा रवि लामिछानेले २२२७ मत ल्याएका छन् भने उमेश श्रेष्ठको मत २०३६ मत छ। यहाँ नेकपा एमालेका कृष्णभक्त पोखरेलले आफ्नो अग्रता कायमै राखेका छन्। उनले २३३१ मत ल्याएका छन्।

त्यस्तै चितवन निर्वाचन क्षेत्र नम्बर ३ मा पनि राष्ट्रिय स्वतन्त्र पार्टीकी जीता बराल तेस्रो स्थानमा पुगेकी छन्। उनले २७२० मत ल्याएकी छन्।

पछिल्लो परिणामअनुसार यहाँ राष्ट्रिय प्रजातन्त्र पार्टीका विक्रम पाण्डेले अग्रता लिएका छन्। उनले ३०८७ मत प्राप्त गरेका छन्।

माओवादी केन्द्रका अध्यक्ष पुष्पकमल दाहाल ‘प्रचण्ड’ ले छाडेको चितवन-३ मा माओवादी उम्मेदवार भोजराज अधिकारी दोस्रो स्थानमा सीमित छन्। उनले २८४१ मत पाएका छन्।

नेपाली काग्रेसका बागी उम्मेदवार दिनेश कोइराला भने चौथो स्थानमा झरेका छन्। माछा चिह्न लिएर चुनाव लडेका कोइरालाले २५५७ मत ल्याएका छन्।

भक्तपुर-२ मा दुर्लभ थापा र महेश बस्नेतबीच झन्डै १३ सयको मतान्तर

भक्तपुर क्षेत्र नम्बर-२ मा नेपाली कांग्रेसका दुर्लभ थापाले अग्रता कायमै राखेका छन्। उनले १२ हजार ५३ मत प्राप्त गरेका छन्। उनका निकटतम प्रतिद्वन्द्वी नेकपा एमालेका महेश बस्नेतले १० हजार ७६२ मत ल्याएका छन्।

अघिल्लो निर्वाचनमा भने यो क्षेत्रमा एमालेका बस्नेत निर्वाचित भएका थिए। यसपालि भने यो क्षेत्रमा प्रतिस्पर्धा रोचक बन्दै गएको छ।

Leave a Reply

Your email address will not be published. Required fields are marked *