यी हुन् सबैभन्दा धनी ५ फुटबलर, कसको सम्पत्ति कति ?

काठमाडाैं । फिफा विश्वकप २०२२ मा नकआउट चरणका खेल चलिरहेका छन्। कतार विश्वकपमा जसरी नतिजा आइरहेको छ त्यसको आशा कसैले पनि गरेका थिएनन्।

फुटबलमा नाम चलेका चर्चित खेलाडीको जादु मैदानमा दर्शकले हेरिरहेका छन्। मैदानमा जसरी समर्थकको साथले धनी छन् खेलाडीहरु अर्थिक रुपमा पनि उति नै सबल छन्। समर्थकसँगै आर्थिक रुपमा पनि बलियो हुने र आफ्नो मूल्य बढाउन खेलाडी मैदानमा भिडिरहेका छन्।

फुटबलको नयाँ सिजनका लागि मार्केट खुला हुनुअघि धेरै खेलाडीका लागि विश्वकप सुनौलो मौका हो आफ्नो खेल कौशलले बलिया टोलीको ध्यान तान्ने र आफ्नो माग बढाउने। यहीबीचमा फोर्ब्सले सार्वजनिक गरेको विश्वका धनी व्यक्तिको सूचीमा पनि विश्वकप खेलिरहेका खेलाडीले वर्चश्व जमाएका छन्।

वर्ष २०२२ मा फ्रान्सका स्टार खेलाडी केलियन एम्बाप्पेले अर्जेन्टिनी स्टार लियोनल मेस्सी र पोचुगिज क्रिस्टियानो रोनाल्डोलाई पछि पार्दै विश्वकै सर्वाधिक कमाउने फुटबलर बनेका छन्।

एर्लिन हालान्डले भने सर्वाधिक कमाउनेको फोर्ब्सको सूचीमा डेब्यु गरेका छन्। फोर्ब्सका अनुसार फुटबलका सबैभन्दा धेरै आम्दानी गर्नेहरुको कुल कमाइ ६२५ मिलियन भन्दा धेरै छ।

मैदान भित्रको खेलका कारण मात्र हैन, मैदान बाहिरको गतिविधिले पनि खेलाडी चर्चामा आउने गर्छन्। त्यहीबीचमा वर्ष २०२२ मा सर्वाधिक आम्दानी गर्ने १० खेलाडीको चर्चा यहाँ गरिएको छ।

१. केलियन एम्बाप्पे (फ्रान्स)

फ्रान्सका स्टार तथा पेरिस सेन्ट जर्मन (पीएसजी) का केलियन एम्बाप्पेले यो वर्ष १२८ मिलियन डलर आम्दानी गरेका छन्। २३ वर्षीय एम्बाप्पेको पीएसजीको पारिश्रमिक ११० मिलियन र अतिरिक्त आम्दानी १८ मिलियन रहेको छ। एम्बापेले पीएसजीसँग ३ वर्षको सम्झौता गरेका छन्।

२. लियोनल मेस्सी (अर्जेन्टिना)

अर्नेन्टिनी स्टार मेस्सीले यो वर्ष १२० मिलियन डलर आम्दानी गरेका छन्। ३५ वर्षीय मेस्सीले लिग वान क्लब पीएसजीबाट खेलिरहेका छन्।

कतार विश्वकपमा अर्जेन्टिनाको कप्तानी गरिरहेका मेस्सीले ६५ मिलियन डलर क्लबसँगको सम्झौताबाट आम्दानी गरेको फोर्ब्सले उल्लेख गरेको छ। मैदान भित्रको खेलले मात्र हैन विभिन्न विज्ञापनबाट पनि उनले मनग्ये आम्दानी गर्छन्।

मेस्सीले ५५ मिलियन डलर मैदान बाहिरबाट गर्ने फोब्र्सले जनाएको छ। स्पोर्टस् ब्राण्ड माइक र हर्बालाइफ जस्ता कम्पनीसँगको प्रायोजक सम्झौता मार्फत पनि उनले राम्रो कमाइ गर्छन्। त्यसैले मैदान भित्र मात्र हौ बाहिर पनि धेरै कमाउने खेलाडीको रुपमा उनी चिनिन्छन्।

३. क्रिस्टियानो रोनाल्डो (पोर्चुगल)

पोर्चुगिज स्टार रोनाल्डोले वार्षिक १ सय मिलियन डलर आम्दानी गर्छन्। ३७ वर्षीय रोनाल्डोले विश्वकप अघि म्यानचेष्टर युनाइटेडसँगको सम्झौता तोडेका छन्। कतार विश्वकपमा पोर्चुगलको कप्तानी गरिरहेका रोनाल्डोले हाल फ्रि एजेन्ट मार्फत २०८ मिलियन डलरमा अर्को क्लबमा जाने चर्चा छ।

यदी यो सम्झौता उनले स्वीकार गरेका रोनाल्डो अर्को वर्ष १ नम्बरमा आउन सक्छन्। २०२२ मा रोनाल्डोले ४० मिलियन डलर अनफिल्ड र ६० मिलियन डलर अफ फिल्डमार्फत आम्दानी गरे।

४. नेयमार जुनियर (ब्राजिल)

ब्राजिलका मुखय फरवर्ड नेयमार लिग वान क्लब पीएसजीमा आवद्ध छन्। ३० वर्षीय नेयमारले सन् २०२१ मा पीएसजीसँगको आफ्नो सम्झौता बढाएर २०२५ सम्म पुर्याएका छन्।

विश्वका शीर्ष खेलाडीको सूचीमा आउने उनले ८७ मिलियन डलर आम्दानी गरे। अनफिल्ड उनले ५५ मिलियन डलर आम्दानी गर्दा अफ फिल्ड ३२ मिलियन डलर आम्दानी गरे।

५‍. मोहम्म्द सलाह (इजिप्ट)


कतार विश्वकपमा इजिप्टले छनोट चरण पार गर्न नसकेपछि ३० वर्षीय मोहमद सलाहलाई जारी विश्वकपमा देख्न पाइएको छैन। प्रिमियर लिग क्लब लिभरपुलका फरवर्ड तथा इजिप्टका कप्तान सलाह यो वर्ष सर्वाधिक आम्दानी गर्ने खेलाडीको पाँचौ नम्बरमा छन्।

फोब्र्सका अनुसार उनले अन फिल्ड ३५ मिलियन र प्रायोजकमार्फत १८ मिलियन डलर आम्दानी गर्दैै कुल ५३ मिलियन डलर आम्दानी गरेका छन्।

Leave a Reply

Your email address will not be published. Required fields are marked *