मेस्सीले रुँदै आँसु पुछेको टिस्यु पेपरको मूल्य १३ कराेड !

काठमाडाैं । गत वर्ष अगस्टमा केही अनलाइन वेबसाइटहरूमा टिस्यु पेपरको टुक्रा बिक्री भइरहेको थियो। जसको मूल्य १० लाख डलर अर्थात करिब १३ करोड रुपैयाँ (लियोनेल मेस्सी टिस्यु सेल वन मिलियन डलर) थियो । विवरणहरूमा दावी गरिएको छ कि यो त्यही टिस्यु हो जसले लियोनेल मेस्सीले आफ्नो आँसु पुछेका थिए ।

अगस्ट ८, २०२१ मा, मेस्सीले पत्रकार सम्मेलनमा बार्सिलोना क्लब छोड्ने आफ्नो मनसाय घोषणा गरे। त्यो क्षण सबै फुटबल फ्यानहरूका लागि निकै भावुक थियो। बोल्दा मेस्सी आफै पनि भावुक भए । त्यसपछि मेस्सीकी श्रीमती एन्टोनेला रोकुजोले उनलाई टिस्यु पेपर दिइन जसबाट उनले आफ्नो आँसु र नाक पुछे ।

त्यतिबेला मेस्सीले त्यो टिस्यु पेपरको बोली करोडौं रुपैयाँमा पर्छ भन्ने अनुमान समेत गरेका थिएनन् । मिडिया रिपोर्टहरूमा भनिएको छ कि उक्त पत्रकार सम्मेलनबाट कसैले त्यो टिस्यु पेपर राख्यो र पछि अनलाइन बेच्यो।

इन्डियन एक्सप्रेसको रिपोर्टका अनुसार उक्त विज्ञापनको स्क्रिनसट त्यतिबेला भाइरल भएको थियो । यस्तो महँगो मूल्यमा टिस्यु पेपर बेच्ने व्यक्तिले उक्त मूल्यको टिस्युमा मेस्सीको ‘आनुवंशिक सामग्री’ रहेको दाबी गर्दै उच्च मूल्यलाई जायज ठहराएका थिए ।

धेरै प्रयोगकर्ताहरूले टिस्युको वास्तविकताको बारेमा पनि शंका उठाएका थिए। त्यसबेला आँसुसहितका टिस्यु पेपरका धेरै प्रतिहरू पनि बिक्री हुने गरेको केही रिपोर्टमा भनिएको थियो । तर, अहिलेसम्म कुनै फ्यानले त्यो टिस्यु किनेको हो वा होइन भन्ने जानकारी आएको छैन ।

टिस्युमा हस्ताक्षर गरिएको सम्झौता

१३ वर्षको उमेरमा मेस्सीले टिस्यु पेपरमा सम्झौता गरेर आफ्नो करियर सुरु गरेका थिए । यो दाबी बार्सिलोनाका लागि लियोनल मेस्सीको प्रतिभा पहिचान गर्ने व्यक्तिको हो।

उनको नाम कार्ल्स रेक्साच हो जो त्यतिबेला बार्सिलोनामा कार्यरत थिए। उनले बार्सिलोनाबाट सन् १९६६ देखि १९८१ सम्म खेलेका थिए । सेप्टेम्बर 2000 मा, मेस्सी क्लबसँग ट्रायल खेल्न आइपुगेका थिए।

कार्ल्सले द गार्डियनलाई एक अन्तर्वार्तामा भनेका थिए कि उनलाई थाहा थियाे कि मेस्सी धेरै प्रतिभाशाली छन् र उनी मेस्सीलाई कुनै पनि हालतमा जान दिन चाहँदैन थिए। उनले केही मिनेटमै मेस्सी स्पेशल भएको थाहा पाएको बताए । यसै कारण उनले मेस्सीलाई टिस्युमा अनुबन्ध गर्न लगाएका थिए ।

Leave a Reply

Your email address will not be published. Required fields are marked *