त्रिभुवन विमानस्थलबाट साढे १९ किलाे झाेल सुन बरामद !

काठमाडाैं । त्रिभुवन अन्तर्राष्ट्रिय विमानस्थलबाट साढे १९ केजी अवैध सुन बरामद भएको छ। फ्लाई दुबईको जहाजबाट आएका सुडानी नागरिकको साथबाट उक्त परिमाणको सुन बरामद भएको हो।

त्रिभुवन विमानस्थल प्रहरीकाअनुसार उक्त सुन भन्सार चेकजाँचका क्रममा बरामद भएको हो। यो सबै सुन झोलमा परिणत गरेर खाडी हुँदै जहाजबाट नेपाल छिराएको खुलेको छ। प्रहरी र विमानस्थल भन्सारले यसबारे विस्तृत विवरण सार्वजनिक गरिसकेका छैनन्।

भारतबाट ५० हजार टन गहुँ आयात गर्न पाइने

भारत सरकारले नेपाललाई ५० हजार टन गहुँ आयात गर्न अनुमति दिएको छ। भारत सरकारको वैदेशिक व्यापार महानिर्देशनालयले २०२३ मार्च ३१ सम्म सो परिमाणको गहुँ निर्यात गर्ने अनुमति दिएको दिएको हो।

सो परिमाणको गहुँ आयात अनुमतिका लागि महानिर्देशनालयबाट शुक्रबार उद्योग, वाणिज्य तथा आपूर्ति मन्त्रालयलाई चिठी आएको मन्त्रालयले जनाएको छ।

भारतले गहुँ निर्यातमा प्रतिबन्ध लगाएको ६ महिना पुगिसकेको छ। भारत सरकारको उद्योग वाणिज्य मन्त्रालयअन्तर्गतको वाणिज्य विभागले जेठ १ गते सूचना जारी गर्दै गहुँ निर्यातमा प्रतिबन्ध लगाएको थियो।

रूस–युक्रेन युद्धका कारण विश्वभर खाद्य सुरक्षामा संकटको संकेत देखिएको भन्दै यस्तो प्रतिबन्ध लगाएको हो। खासगरी बिस्कुट, पाउरोटी, कुकिज र बेकरीजन्य उद्योगहरूमा चिनी र गहुँ दुबै अति आवश्यक मानिन्छ।

औद्योगिक प्रयोजनका लागि आवश्यक चिनी तथा गहुँ छिमेकी मुलुक भारतबाट आयात हुन्छ। भारतले गहुँ निकासी नगर्ने हो भने यहाँका उद्योग बन्द हुने भन्दै निकासी खुलाउन व्यवसायीहरूले वाणिज्य मन्त्रालयलाई दबाब दिँदै आएको थियो।

भारतले गहुँ निर्यातमा प्रतिबन्ध लगाउँदा यहाँका व्यवसायीहरू कालोबजारीबाट गहुँ किन्न बाध्य थिए। तर, गहुँ आयात रोकिएसँगै चोर बाटोबाट नेपालमा गहुँ भित्रिएपछि भारत सरकारले नेपालका लागि कोटा तोकिदिएको छ।

गहुँ चोरी भएर भित्रिँदा महँगो मूल्य तिर्नुपरेपछि व्यवसायी र नेपाल सरकारले वैधानिक बाटोबाट गहुँ ल्याउन दिन भारतसँग आग्रह गरेका थियो। नेपाली पक्षको आग्रहपछि भारतीय पक्ष पनि नेपाललाई गहुँ दिन सहमत भएको हो।

Leave a Reply

Your email address will not be published. Required fields are marked *