जसपा देउवा सरकारमा जाने, माओवादीबाट सुरुमा जनार्दन र पम्फा मन्त्री हुने

काठमाडौं । जनता समाजवादी पार्टी (जसपा) शेरबहादुर देउवा नेतृत्वको सरकारमा सहभागी हुने भएको छ । मंगलबार बसेको जसपा केन्द्रीय कार्यकारिणी समितिको बैठकले सरकारमा जाने निर्णय गरेको केन्द्रीय कार्यकारिणी समिति सदस्य रकम चेम्जोङले बताए।

‘हाम्रो कार्यकारिणी समिति बैठकले सरकारमा सहभागी हुने निर्णय गरेको छ,’ चेम्जोङले फेयर नेपालसँग भने। जसपाको आधिकारिकता सम्बन्धी मुद्दा निर्वाचन आयोगमा विचाराधिन छ। साउन पहिलो साता निर्वाचन आयोगले यो विषयको टुंगो लगाउने भएको छ। त्यसपछि जसपाले सरकारमा मन्त्री पठाउने भनेको छ ।

उता, माओवादी केन्द्रले जनार्दन शर्मा र पम्फा भुसाललाई सरकारमा पठाउने भएको छ । माओवादी नेताहरुका अनुसार शर्मालाई अर्थ र पम्फा भुसाललाई ऊर्जा मन्त्रालयको जिम्मेवारी दिन लागिएको बताइँदै छ । मन्त्रालयबारे अझै छलफल भइरहेको जानकारी नेताहरुले दिएका छन् । राष्ट्रपति विद्यादेवी भण्डारीले कांग्रेस सपभाति देउवालाई सर्वोच्च अदालतको आदेश अनुसार प्रधानमन्त्री नियुक्त गरेकी छन्।

Leave a Reply

Your email address will not be published.