एमाले केन्द्रीय कमिटी बैठक बस्दै, फ्लोर क्रस गर्नेलाई कारवाही गर्ने तयारी

काठमाडौँ। नेकपा एमाले केन्द्रीय कमिटी बैठक विहान ११ बजे बस्दै छ ।

बैठक ललितपुरको च्यासलस्थित तुलसीलाल स्मृति प्रतिष्ठानको भवनमा बस्नेछ ।

पार्टीका निर्देश्न विपरित गर्ने नेताहरुलाई कारवाही गर्ने सन्दर्भमा छलफल हुने एमाले कार्यालयका सचिव शेरबहादुर तामाङले जनाएका छन् ।

आइतबार प्रधानमन्त्री शेरबहादुर देउवालाई एमालेका २२ जनाले विश्वासको मत दिएका थिए ।

सांसदहरुलाई पार्टी पद्धति, पार्टी विधान र पार्टीको अनुशासन उल्लङ्घनसँग जोडेर कारबाही गरिने बताइएको छ ।

सर्वोच्च अदालतले आइतबार दिइएको विश्वासको मतको आधारमा कारवाही गर्न नपाइने भन्ने फैसला गरेकाले त्यो अनुरुप एमालेले कारवाही नगर्ने तर अनुशासन लगायत विषयलाई जोडेर कारवाही गर्न सक्ने बताइएको छ ।

अन्य विषयमै कारवाही गर्दा पनि सांसद पद गुम्ने गरी कारवाही हुनसक्ने बुझिएको छ ।

 

Leave a Reply

Your email address will not be published. Required fields are marked *